理財個案｜強積金怎樣有效配置？MPF基金回報投資6大問題必知｜龔成教室

【理財個案】據最新資料顯示，5月份強積金人均蝕6,900元！究竟20幾歲應如何配置MPF？投資美股定港股好？有穩定回報的基金推薦嗎？即睇強積金常見問題！

理財個案｜讀者來信：6大強積金投資問題

龔老師你好！想問你有關於強積金的意見：

1. 投資美股好港股好？
2. 有穩定回報的基金推薦嗎？
3. 基金成份以那一行業睇好？
4. 20幾歲應選擇高風險或中風險級別基金？
5. 閣下對強積金有特別的看法或貼士嗎？
6. 應否預測股市去轉基金組合？

希望解答！多謝！

個案重點：

• 20歲
• 強積金配置

重點目標：

• 基金那一個行業好
• 強積金配置得更好
• 選高風險或中風險級別

理財個案｜龔成老師分析：準確預測股市並不容易

強積金是超長年期投資，所以我地要用長期角度分析，並忽視中短期因素，唔好轉來唔去，唔好見近期興甚麼就投資甚麼。有些投資者會認為，當自己覺得股市將會下跌，就要賣出股票組合並轉去保守基金，表面上是不差的策略，但其實，要準確預測股市並不容易。

強積金不建議轉來轉去

如果預測失敗，到時就會處於兩難的局面。因此，強積金不建議轉來轉去，只要按自己的年齡、風險承受程度等因素，去進行長期配置就得。配置方面，中國、美國，都是全球兩個長遠最大經濟體，同時投資會有不差的長期回報，因此，你可以在強積金的組合裡，同時選美國及中國的股票基金，或環球基金，都可以。

退休前5-10年 會偏向保本

其實強積金的配置其實唔複雜，你只要按你的年齡階段，去進行分配就得，年輕時較進取，中年平穩，退休前就保守。基本上你按年齡，慢慢跟這樣比調整就得。當準備退休的5-10年，就會偏向保本，因為股市長期會上升，但中短期會波動，若不幸在退休時面對大跌市，就會不利，所以年老時，就不建議持有太多股票資產。

年輕可以進取一點

所以，你年輕，其實可以進取一點，承受高少少風險都無問題。當然，具體是高風險，或中風險，或當中的比例，就要睇翻你本身的承受風險能力。至於行業方面，亦可以選科技、醫藥、新能源行業都可考慮，雖然這些行業中短期較波動，但長期回報不差，而你仍年輕，可以憑時間將財富滾得更大。